Размер шрифта
Цвет сайта
Изображения

Батыс Қазақстан облысының жастар саясаты мәселелері басқармасы

Баяндамалар мен есептер

ОБЛЫСТА ЖАСТАР САЯСАТЫНЫҢ ЖҮЗЕГЕ АСЫРЫЛУЫ ТУРАЛЫ АНЫҚТАМАЛЫҚ МӘЛІМЕТ

 

Батыс Қазақстан облысында 14 пен 29 жас аралығындағы 145 879 жас бар, бұл облыс халқының  22,9 %-ын құрайды (2015 жылы - 149 595 жас, облыс тұрғындары санының 23,7%-ы).

Оның ішінде 29 781 адам облыстағы 4 жоғары оқу орындарында, 19 886 жас облыстағы 38 арнаулы орта оқу орындарында білім алуда. Облысымызда «Мәнгілік Ел жастары - индустрияға!» әлеуметтік жобасы шеңберінде 1310 студент білім алуда (2015 жылы - 960 студент білім алды).

Экономикалық белсенді жастар – 89 мың адам  (2015 жылы – 86 мың адам).

NEET жастарының үлесі (жалпы жастар саны бойынша еш жерде оқымайтын, жұмыс істемейтін жастар үлесі) – 2016 жылдың 3 тоқсаны бойынша 3,1% (2015 жылы - 3,4%) – бұл республика бойынша ең төменгі көрсеткіш.

Мемлекеттік жастар саясатының негізгі тетігі ретінде облыс бойынша  89 жастар ұйымы (2015 жылы 88 жастар ұйымы) тіркелген (43 - белсенді), оның 64-і өзінің қызметтерін Орал қаласында және 25-і аудандарда жүзеге асырады.

2016 жылы жұмыспен қамту органдары арқылы 5235 жас жұмысқа орналастырылды. Оның 3654 жасы жұмыспен қамту бөлімі, 1581 жасы жұмыспен қамту орталығы арқылы орналасқан.

2016 жылы «Жұмыспен қамту 2020 жол картасы» бағдарламасы шеңберінде 1581 жас жұмысқа орналастырылды, соның ішінде 272 жас тұрақты жұмысқа орналасты.

Мемлекеттік бағдарламалар мен жобалар бойынша қамтылған жастар саны төмендегідей:

«Дипломмен-ауылға» бағдарламасы бойынша 471 маман ауылдық жерлерге тартылып  жәрдемақыларын алды. 360 жас маманға баспана алуға несие берілді (2015 жылы 299 қатысушы  несие алса, 448 қатысушы көтерме ақы алған болатын).

- Жазғы уақытта жастардың демалысын тиімді өткізу үшін «Жасыл ел» бағдарламасы аясында маусымдық жұмыстармен 1225 жас қамтылған.

«Нұрлы жол» және әр түрлі құрылыс объектілерінде студенттік құрлыс және  жастар еңбек жасақтары құрамында 263 сарбаз (148 жас – Орал қаласында,  115 жас - аудандарда)  еңбек етті.

 Облыста жастар саясатын жүзеге асырудың тиімді механизмі ретінде жастарға түрлі бағыттар бойынша тегін кеңестер беретін  13 жастармен жұмыс жөніндегі ресурстық орталықтары (1 облыстық және 12 аудандық) жұмыс жасайды. Жастарға  орталықпен әр түрлі мәселелер бойынша консультациялық қызметтер жүргізілуде. 2016 жылы аталған орталықтарға 3568 жас (2015 жылы-2426 жас) кеңес алуға келген, соның ішінде 2296-і жұмыссыздық мәселесімен жолығып, нәтижесінде 340  жас тұрақты жұмыспен қамтылды.